Այո, առաքում ենք: Առաքում ենք նաև ճանապարհից (շատ ավելի արագ, քան նույն օրը): Ուղղակի որոշ դեպքերում գործում են հավելավճարներ, խնդրում ենք կապվել մեզ հետ մանրամասները ճշտելու համար:

Այո, եթե կայքում առցանց պատվերի գրանցման պահին համակարգի առաջարկով Դուք ընտրեք մոտակա հինգշաբթի օրը որպես առաքման օր, ապա կարող եք ստանալ գործող գնից հավելյալ 5% զեղչ 12/19լ ջրերի համար: Այս առաջարկը հասանելի է Jur.am կայքով առցանց պատվեր կատարելիս և միայն այն դեպքում, եթե հինգշաբթի օրվա համար Ձեր տարածքում առաքման որևէ սահմանափակում չկա: Ձեր տարածքում առաքման սահմանափակումների մասին կարող եք տեսնել հետևյալ հղումով կամ կապվել մեր հաճախորդների սպասարկման ծառայության հետ:

Էվրի Դեյ ՓԲԸ-ն չի տրամադրում ՀԴՄ կտրոններ, քանի որ վաճառքը չի իրականցվում վաճառակետից, իսկ օրենքն արգելում է առաքման մեքենաներին ունենալ շրջիկ ՀԴՄ-ներ: Էվրի Դեյ ՓԲԸ-ն վաճառքը հաշվառում է հարկային հաշիվներով (հաշիվ ապրանքագրերով), որոնք հատուկ հաշվապահական ծրագրից ներբեռնվում են ՀՀ ՊԵԿ e-invoicing համակարգ: Հարկային հաշիվ ֆիզիկապես չներկայացնելը՝ չի նշանակում վաճառքը չհաշվառել։ Բազմաթիվ հաճախորդների կողմից հնչեցվել է խնդրանք՝ ավելորդ թղթատարությամբ իրենց չծանրաբեռնելու վերաբերյալ, հետևաբար Էվրի Դեյ ՓԲԸ-ն տրամադրում է e-invoicing ներբեռնված հաշիվների էլեկտրոնային և/կամ տպված պատճեններն ըստ պահանջի: Բոլոր այն ֆիզ. անձ հաճախորդները, որոնք չունեն e-invoicing համակարգից օգտվելու հնարավորություն, կարող են դիմել մեր հաճախորդների սպասարկման բաժին 010 587587 հեռախոսահամարով՝ հարկային հաշիվների սկանավորված տարբերակն էլ. փոստով ստանալու, կամ տպված հաշիվը առաքման ժամանակ առձեռն ստանալու համար:

1. Տեղափոխություններից հետո սպասել 2 ժամ հոսանքին միացնելուց առաջ, որպեսզի ֆրիոնի շրջանառությունը ճիշտ լինի:
2. Դիսպենսերը պետք է հոսանքին միացնել միայն տաք ջրի ծորակից ջուր գալու դեպքում (նշանակում է բաքում ջուր կա), հատկապես նոր շիշ տեղադրելուց հետո:
3. Շիշը վերջանալուց ծորակներից ջուր չվերցնել, որպեսզի բաքերը չդատարկվեն հոսանքին միացած վիճակում: Շիշը վերջանալուց հետո, նոր շիշ անմիջապես չտեղադրելու դեպքում, դիսպենսերն անհրաժեշտ է անջատել հոսանքից:
4. Դիսպենսերը պետք է տարեկան առնվազն երկու անգամ անցնի սանիտարական մաքրում:
5. Եթե դիսպենսերն ավելի քան 1 շաբաթ չի օգտագործվելու, հարկավոր է անջատել հոսանքից և դատարկել բաքերի միջի ջուրը ետնամասում գտնվող հատուկ ծորակից (ՈՒՇԱԴՐՈՒԹՅՈՒՆ. ջուրը կարող է լինել եռման աստիճանի), հակառակ դեպքում դիսպենսերի բաքերում մնացած մնացորդային ջուրը կարող է նեխել:

Դիսպենսերներն իրենց մեջ ֆիլտրեր չունեն, քանի որ նախատեսված են արտադրական շշալցման համար մշակված ջրի համար (մեր կողմից առաքվող ջուրն արդեն իսկ ֆիլտրված է): Սարքերի վրա չի կարելի տեղադրել ծորակի ջրով լցված շշեր, քանի որ ծորակի ջուրն իր մեջ պարունակում է քլոր, որի համը փոխանցվում է սարքի այն ջրատար ուղիներին, որոնք պլաստիկից են (ծորակներ, սառը ջրի խողովակ, ձող, և այլն):

Դիսպենսերն ԱՆՊԱՅՄԱՆ պետք է տեղադրել արևի ճառագայթներից և տնային բույսերից հեռու:

Երբ դիսպենսերի բաքերը կիսադատարկ են, և տեղադրվում է նոր շիշ, առաջանում է ջրի տուրբուլենտություն (այդ մասին կարելի է տեղեկանալ, եթե շշի տեղադրումից հետո շատ ջուր է լցվում բաքերի մեջ, և մեծ քանակի պղպջակներ են նկատվում): Այդ տուրբուլենտությունից սառը ջրի բաքի հատակին հավաքված փոշին/աղտոտվածությունը բարձրանում է ջրհավաք մակարդակից բարձր (դեպի ծորակները եկող խողովակի մակարդակից բարձր), այդ պատճառով նշված հատիկները/սպիտակ փաթիլները բաժակի մեջ նկատվում են շիշը փոխելուց անմիջապես հետո: 

Խորհուրդ. Շիշը դատարկվելուց հետո ջուր մի վերցրեք ծորակներից, որպեսզի բաքերը չդատարկվեն: Անմիջապես տեղադրեք նոր լիքը շիշ: Երբ բաքերը լի են ջրով, քչանում է դրանց մեջ օդ (և աղտոտվածություն) ներթափանցելու հավանականությունը: Ավելին, դատարկ դիսպենսերի բաքերի տաքանալը և սառչելը կարող է վնասել բաքերի մետաղը:

Դիսպենսերները հերմետիկ չեն, և դրանք չեն ինքնամաքրվում: Դիսպենսերի վերևի հատվածը (ձողը և դրա շրջակայքը) առավել ռիսկային են աղտոտման տեսանկյունից, հաճախ են աղտոտվում նաև ծորակները, դրանց ներքևի մասի կաթամանը: Ջրի բաքերը (հատկապես սառը ջրի բաքը) օդի հետ շփում ունի, հենց այդ օդն է մտնում բաքի մեջ, այնուհետև պղպջակի տեսքով երևում շշի ներսում, երբ բաքի մեջ շշից ջուր է լցվում: Ինչքան աղտոտված կամ փոշոտ է տարածքի օդը, այնքան ավելի մեծ է դիսպենսերի սառը ջրի բաքի աղտոտման հավանականությունը: Անհրաժեշտ է տարեկան առնվազն երկու անգամ կազմակերպել դիսպենսերի սանիտարական մաքրում, մեր կայքում կա հատուկ հոլովակ, որը կօգնի սան. մաքրումն ինքնուրույն անել:

Սպիտակ փաթիլներ կարող են առաջանալ նաև սառը ջրի բաքում սառույց առաջանալուց: Անհրաժեշտ է դա կանխել՝ դիսպենսերի ետնամասում ջերմաստիճանի կարգավորիչի միջոցով:

Մեր շշերի խցանները հիմնականում համընկնում են բոլոր դիսպենսերների հետ, քանի որ դրանք ստանդարտ չափի են։ Շատ հազվադեպ են հանդիպում մոդելներ, որոնք կարող են անհամատեղելի լինել։

WFD-410L, WBF-1000LA, WBF-1000S և WFD-1050 մոդելի դիսպենսերներում տաք ջրի ջերմաստիճանն է 75-90 ºC, իսկ սառը ջրի ջերմաստիճանը` 4-12 ºC: Սառը ջրի ջերմաստիճանը հնարավոր է փոփոխել դիսպենսերի ետնամասում գտնվող անջատիչների կողքի կարգավորիչով:

Հնարավոր է խնդրի 2 պատճառ․

1. Տեղադրված շշի վրա առկա է միկրոճեղք, որի պատճառով շշի մեջ ներթափանցում է օդ և ջուրը դիսպենսերի բաքեր լցվելուց բացի, լցվում է նաև ներսը (անդադար լցվում է բաքերի մեջ և դուրս թափվում), որն արտահայտվում է սարքի տակից ջրի հոսքով։ Անհրաժեշտ է դիսպենսերն անջատել հոսանքից, շիշը հանել, յուրաքանչյուր ծորակից դատարկել 2-3 բաժակ ջուր և տեղադրել նոր տարա։ Արտահոսքը դադարելու դեպքում տեղեկացնել ընկերությանը և տվյալ շիշն առանձնացված հանձնել առաքիչին, որպեսզի այն միանգամից խոտանվի՝ դուրս գա շահագործումից։ Սա դիսպենսերի տակից ջրի արտահոսքի ամենատարածված պատճառն է։

   Ուշադրություն․ Հաճախորդը տեղեկացված է, որ տարաների տեղափոխման և շահագործման ընթացքում հնարավոր է միկրոճեղքերի առաջացում, որոնք տարաները զննելիս տեսանելի չեն: Այդ միկրոճեղքերի հետևանքով տարաների պահեստավորման կամ օգտագործման ընթացքում հնարավոր է տեղի ունենա ջրի արտահոսք/ներհոսք, հաճախորդը պետք է այս հանգամանը հաշվի առնի տարաները պահուստավորելիս և դիսպենսերի դիրքը որոշելիս: Եթե տարայի վնասվածքը բացահայտվում է հաճախորդին ապրանքը փոխանցելուց հետո, ապա ընկերությունը պատասխանատվություն չի կրում և չի փոխհատուցում ջրի արտահոսքի պատճառով հաճախորդի կրած ծախսն ու կորուստը: Ընկերությունը պատրաստ է անվճար փոխարինել վնասված տարան։

2. Առաջին կետում նշված քայլերը կատարելուց հետո, եթե ջրի արտահոսքը շարունակվում է, ապա խնդիրը սարքից է, պետք է դիմել մասնագետի օգնությանը։ Եթե դիսպենսերը երաշխիքի մեջ է, ապա դիմեք տվյալ ընկերության սպասարկման կենտրոն, հակառակ դեպքում՝ դիմեք մեզ, և մենք սիրով կաջակցենք Ձեզ։

Նոր շիշը տեղադրելուց հետո ցանկալի է այն սպառել ամենաուշը 25 օրվա ընթացքում, քանի որ բացելուց հետո շշի ջուրը շփվում է օդի հետ (օդը մտնում է դիսպենսերի բաքերի մեջ, այդտեղից էլ շշի մեջ): Մեր կողմից խորհուրդ տրվող 25-օրյա ժամկետը նորմատիվային չէ, այն հիմնված է մեր փորձի վրա:

Բյուրեղը շշալցվում է Ջերմուկ քաղաքում՝ ուղղակի աղբյուրից (աղբյուրի պաշտոնական անվանումն է Ջերմուկի տեղանքի թիվ 1 աղբյուր): Այն որակվում է բարձր կարգի բնական աղբյուրի ջուր:
Մաքուր Ջուր-ը շշալցվում է Կաթնաղբյուրի ջրատարից՝ Երևան քաղաքում։ Անցնում է վեցաստիճան ֆիլտրացիոն քլորազտում և մանրէազերծում։ Անմիջապես շշալցումից առաջ ջուրը հավելյալ մանրէազերծվում է բելգիական արտադրության ուլտրամանուշակագույն լամպային ֆիլտրով: Մաքուր Ջուրը որակվում է որպես առաջին կարգի խմելու ջուր:

Սպիտակ փաթիլների ամենահաճախ հանդիպող պատճառը ջրի հանքային կազմն է: Հատկապես ցուրտ եղանակին (կամ դիսպենսերի սառը ջրի բաքի մեջ) ջրում առկա հանքային աղերի մոլեկուլները միտում ունեն իրար միանալու, այսպես ասած "կլաստերներ կազմելու", հենց այդ կլաստերներն էլ երբեմն տեսնում ենք փաթիլների տեսքով: Բյուրեղի  (և շատ ուրիշ լեռնային տեղանքից ծագող բնական աղբյուրի ջրերի) հանքային կազմն այնպիսին է, որ ցածր ջերմաստիճաններում կլաստերիզացիան ավելի արագ է կատարվում, հետո սենյակային ջերմաստիճանի "վերադառնալուց" հետո այդ հանքային աղերի մոլեկուլների կլաստերները հետ չեն տարրալուծվում: Իսկ Մաքուր Ջրի հանքային կազմն այնպիսին է, որ կլաստերիզացման միտումն ավելի թույլ է. պետք է շատ ավելի ցածր ջերմաստիճան և տևական ժամանակ: Կարևոր է հիշելը, որ այս պատճառով առաջացող սպիտակ փաթիլները աղտոտվածության նշան չեն, դրանք ուղղակի հանքային բաղադրության և ջերմաստիճանային տատանումների հետ են կապված:

Երբ դիսպենսերի բաքերը կիսադատարկ են, և տեղադրվում է նոր շիշ, առաջանում է ջրի տուրբուլենտություն (այդ մասին կարելի է տեղեկանալ, եթե շշի տեղադրումից հետո շատ ջուր է լցվում բաքերի մեջ, և մեծ քանակի պղպջակներ են նկատվում): Այդ տուրբուլենտությունից սառը ջրի բաքի հատակին հավաքված փոշին/աղտոտվածությունը, ինչպես նաև ցածր ջերմաստիճանի պարագայում (չէ որ բաքը սառեցնող է) առաջացած հանքային աղերի կլաստերները (սպիտակ փաթիլների տեսքով) բարձրանում են ջրհավաք մակարդակից բարձր (այսինքն, դեպի ծորակները եկող խողովակի մակարդակից բարձր - այդ խողովակը սկսվում է բաքի հատակից մի քանի սանտիմետր բարձր՝ բաքի պատի վրայից), այդ պատճառով նշված հատիկները/սպիտակ փաթիլները բաժակի մեջ նկատվում են շիշը փոխելուց անմիջապես հետո: 

Խորհուրդ. շիշը դատարկվելուց հետո ջուր մի վերցրեք ծորակներից, որպեսզի բաքերը չդատարկվեն: Անմիջապես տեղադրեք նոր լիքը շիշ: Երբ բաքերը լի են ջրով, քչանում է դրանց մեջ օդ (և աղտոտվածություն) ներթափանցելու հավանականությունը: Ավելին, դատարկ դիսպենսերի բաքերի տաքանալը և սառչելը կարող է վնասել բաքերի մետաղը:

Դիսպենսերները հերմետիկ չեն, և դրանք չեն ինքնամաքրվում: Դիսպենսերի վերևի հատվածը (ձողը և դրա շրջակայքը) առավել ռիսկային են աղտոտման տեսանկյունից: Հաճախ են աղտոտվում նաև ծորակները, դրանց ներքևի մասի կաթամանը: Ջրի բաքերը (հատկապես սառը ջրի բաքը) օդի հետ շփում ունի, հենց այդ օդն է մտնում բաքի մեջ, այնուհետև պղպջակի տեսքով երևում շշի ներսում, երբ բաքի մեջ շշից ջուր է լցվում: Ինչքան աղտոտված կամ փոշոտ է տարածքի օդը, այնքան ավելի մեծ է դիսպենսերի սառը ջրի բաքի աղտոտման հավանականությունը: Անհրաժեշտ է տարեկան առնվազն երկու անգամ կազմակերպել դիսպենսերի սանիտարական մաքրում, մեր կայքում կա հատուկ հոլովակ, որը կօգնի սան. մաքրումն ինքնուրույն անել:

Սպիտակ փաթիլներ կարող են առաջանալ նաև սառը ջրի բաքում սառույց առաջանալու պատճառով: Անհրաժեշտ է դա կանխել՝ դիսպենսերի ետնամասում ջերմաստիճանի կարգավորիչի միջոցով:

Բյուրեղ ապրանքային նշանը պատկանում է Ջերմուկ Գրուպ ՓԲ ընկերությանը:
Մաքուր Ջուր ապրանքային նշանը պատկանում է Էվրի Դեյ ՓԲ ընկերությանը:
Էվրի Դեյ ՓԲ ընկերությունը հանդիսանում ենք "Բյուրեղ 19 լիտր" ապրանքային նշանի էքսկլյուզիվ լիցենզառու: Բյուրեղ 19լ ապրանքատեսակը շշալցվում է Ջերմուկ քաղաքում Ջերմուկ Գրուպ ընկերության գործարանում՝ Էվրի Դեյ ընկերության կողմից վարձակալված արտադրական հզորություններով: Բյուրեղ 19լ ապրանքատեսակի արտադրության համար օգտագործվում է նույն հումքային ջուրը, ինչը և օգտագործվում է Բյուրեղ 0.33լ, Բյուրեղ 0.5լ, Բյուրեղ 1.5լ, Բյուրեղ 3լ և Բյուրեղ 5լ ապրանքատեսակների արտադրության համար: Մաքուր Ջուր 19լ ապրանքատեսակը շշալցվում է Կաթնաղբյուրի ջրատարից՝ ք․ Երևանում: 

Կան անբարեխիղճ հաճախորդներ, ովքեր մեր շշերի մեջ լցնում են սովորական ծորակի ջուր և տեղադրում են դիսպենսերի վրա: Այլ ջուր մեր շշի մեջ լցնելն արգելվում է պայմանագրով: Երբ մենք նկատում ենք, որ հաճախորդներից մեկը երկար ժամանակ է, ինչ ջուր չի պատվիրում, խնդրում ենք նրան վերադարձնել մեր շշերը: Ցավոք, այդ շշերից շատերին արդեն "կպած" է լինում ծորակի ջրի համը: Շշալցումից առաջ ստուգվում են բոլոր շշերը, և եթե շշից ուժեղ քլորի հոտ է գալիս, մենք այդ շիշը խոտանում ենք, բայց թույլ հոտը, ցավոք, հնարավոր չի լինում 100% ստուգել: Այդ հազվադեպ դեպքերում շշից համը փոխանցվում է ջրին: Մենք շարունակաբար բարելավում ենք դատարկ շշերի վերադարձելիության վերահսկողությունը, որպեսզի այս խնդիրը վերացնենք:

Իհարկե կարող եք: Միայն ամենօրյա սպառման ապրանքների պատվերի դեպքում գործում է առաքման հավելավճար` 600 ՀՀ դրամ, իսկ ջրի պատվերի հետ միասին`առաքումն անվճար է: 10,000 ՀՀ դրամ և ավելի ամենօրյա սպառման ապրանքների գնման դեպքում ևս առաքումն անվճար է:

Ձեր նախորդ պատվերը կրկնելու համար կարող եք օգտագործել «Պահպանել զամբյուղը» ֆունկցիան, որը թույլ կտա հեշտությամբ վերսկսել գնումների գործընթացը՝ առանց նորից ընտրելու ապրանքները*։

Գնման ենթակա ապրանքները զամբյուղ տեղափոխելուց հետո սեղմեք «Պահպանել» կոճակը և վերնագրեք։ Պահպանելուց հետո այն կտեսնեք Անձնական տվյալների «Պահպանված զամբյուղներ» բաժնում և կկարողանաք գրանցել պատվեր պահպանված զամբյուղում առկա բոլոր ապրանքներով կամ ընտրելով դրանցից մի քանիսը։

Խնդրում ենք պատվերի ձևակերպման փուլում վերստուգել ապրանքների քանակները, քանի որ գրանցվող պատվերում ապրանքները կլինեն զամբյուղում դրանք պահպանելու պահին նշված քանակներով։

*Այս տարբերակը հասանելի է, եթե Ձեր զամբյուղում ներառված են ամենօրյա սպառման ապրանքներ։

Բոնուսային բալեր կուտակելու համար անհրաժեշտ է լինել Jur.am-ի հաճախորդ և պատվերները կատարել առցանց՝ կայքի կամ հեռախոսային հավելվածի միջոցով: Բալերը կուտակվում են միայն առցանց կատարված պատվերների դեպքում, և դրանց քանակը կախված է ապրանքատեսակին տրված բալերի չափից։

1 բալը հավասար է 1 դրամի:

Կուտակված բալերով կարող եք ձեռք բերել ցանկացած ապրանք Jur.am կայքից:

Բալերով վճարվող ապրանքները պետք է առանձնացվեն և ձևակերպվեն առանձին պատվերի միջոցով: Պատվերի ձևակերպման ժամանակ ընտրեք «Բոնուսային բալեր» վճարման տեսակն այդ ապրանքների համար: Մնացած ապրանքների համար կարող եք ձևակերպել երկրորդ պատվերը՝ նախընտրած վճարման տեսակով, և մենք կառաքենք դրանք միասին:

Բոնուսային բալերի հաշվին ձեռք բերված ապրանքների համար բոնուսային բալեր չեն կուտակվում:

Ո՛չ, բալերը կանխիկ գումարի հետ չեն փոխանակվում: Բալերով ապրանք գնելիս պետք է տվյալ ապրանքի ամբողջ արժեքը վճարվի Բալերով:

Պատվերի առաքումն իրականացնելուց մեկ աշխատանքային օր հետո բալերը կավելացվեն ձեր հաշվեկշռին:

Ո՛չ, բալերը չեն տեղափոխվում մեկ հասցեից մյուս հասցե կամ մեկ հաճախորդից մյուս հաճախորդին:

Բալային քաղաքականությունը որոշում է ընկերությունը։ Ոչ բոլոր ապրանքատեսակների համար է տրամադրվում Բալ։ Բալեր չեն կուտակվում նաև այն դեպքում, եթե նշված ապրանքի համար գործում է հատուկ զեղչ:

Ընկերության հետ Պատվիրատուի համագործակցությունը կասեցվելու կամ դադարելու դեպքում (այդ թվում ի թիվս այլնի, երբ լուծվում է՝ Ծառայությունների մատուցման, Ապրանքի մատակարարման-վաճառքի, Գույքի վարձակալության, Գույքի ապառիկ վաճառքի պայմանագրերը և/կամ Պատվիրատուի կողմից կատարված վերջին պատվերից կամ մատուցված ծառայությունից անցել է 6 ամիս) Պատվիրատուի կուտակած բոնուսային միավորները զրոյանում են և այլևս ենթակա չեն վերականգնման: Նշված կարգից Ընկերության հայեցողությամբ կարող են լինել բացառություններ:

Այո։ Յուրաքանչյուր ապրանքի համար տրամադրվող Բոնուսային բալերի չափը որոշվում է ընկերության կողմից։ Այդ արժեքները կարող են փոփոխվել առանց հավելյալ տեղեկացման։ Բոնուսային ծրագրի համար ժամկետ սահմանված չէ: Ընկերությունն իրավունք ունի, 30 օր առաջ տեղեկացնելով իր հաճախորդներին, դադարեցնել Բոնուսային ծրագիրը` պաշտոնական կայքում հայտարարություն տեղադրելու միջոցով:

540 օր առաջ կուտակած և չօգտագործած Բոնուսային բալերը չեղարկվում են տվյալ օրը կուտակած Բոնուսային Բալերի կամ չօգտագործված մնացորդային բալերի չափով։ Ձեր Բոնուսային բալերի ավտոմատ մարմանը 30 օրից քիչ ժամանակ մնալու դեպքում, մնացած օրերի և մարման ենթակա բալերի չափի մասին տեղեկությունը կտեսնեք անձնական տվյալների «Իմ հաշիվը» բաժնում։ Այս տեղեկատվությունը առայժմ հասանելի է միայն կայքում:

․ Կանխիկ

․ Բանկային քարտ (ArCa, Visa, MasterCard)

․ Idram

․ CPay

․ TelCell

․ Փոխանցում

Վճարման տարբերակների մասին ավելի մանրամասն կարող եք տեսնել այստեղ։

Առցանց գրանցված պատվերի համար IDram վճարային համակարգի միջոցով վճարում կատարելիս IDram-ի Ձեր հաշվին կուտակում եք Cashback` ամբողջ գումարի 0.5 %-ի չափով:

Առցանց վճարային տարբերակ է, որը հնարավորություն է տալիս պահպանել jur.am-ի տվյալ պատվերի բոնուսային բալերը և միևնույն ժամանակ IDram համակարգից ստանալ CashBack (պատվերի գումարի 0.5% չափով):

IDram-ով վճարելու համար անհրաժեշտ է նախապես գրանցվել այդ համակարգում:

Դուք կարող եք օգտվել Rocket Line 0% ծառայությունից, եթե Idram վճարային համակարգի օգտատեր եք և հանդիսանում եք IDBank-ի հաճախորդ։ Բանկը դիտարկելով Ձեր վարկային պատմությունը ձեզ հատկացնում է սահմանաչափ, որի շրջանակներում կարող եք օգտվել Rocket Line 0% ծառայությունից՝ ունենալով հնարավորություն, 3 ամսվա ընթացքում անտոկոս մարելու գնված դիսպենսերի արժեքը։

Գումարը վերադարձվում է 2-3 աշխատանքային օրվա ընթացքում՝ հետ փոխանցելով նույն idram հաշվին կամ բանկային հաշվեհամարին, որից կատարվել էր վճարումը:

Հիմնադրվել ենք 2008 թվականին, առաջին առաքումն իրականացրել ենք 2008թ նոյեմբեր ամսին:

Բյուրեղ ապրանքային նշանը պատկանում է Ջերմուկ Գրուպ ՓԲ ընկերությանը, Մաքուր Ջուր ապրանքային նշանը պատկանում է Էվրի Դեյ ՓԲ ընկերությանը: Էվրի Դեյ ՓԲ ընկերությունը հանդիսանում է "Բյուրեղ 19 լիտր" ապրանքային նշանի էքսկլյուզիվ լիցենզառու: Բյուրեղ 19լ ապրանքատեսակը շշալցվում է Ջերմուկ քաղաքում Ջերմուկ Գրուպ ընկերության գործարանում՝ Էվրի Դեյ ընկերության կողմից վարձակալված արտադրական հզորություններով: Բյուրեղ 19լ ապրանքատեսակի արտադրության համար օգտագործվում է նույն հումքային ջուրը, ինչը և օգտագործվում է Բյուրեղ 0.33լ, Բյուրեղ 0.5լ, Բյուրեղ 1.5լ, Բյուրեղ 3լ և Բյուրեղ 5լ ապրանքատեսակների արտադրության համար: Մաքուր Ջուր 19լ ապրանքատեսակը շշալցվում է Կաթնաղբյուրի ջրատարից՝ ք․ Երևանում: 

Խնդրում ենք ներբեռնել հայտը և հնարավորության դեպքում MS Word ծրագրով լրացված ուղարկել [email protected] էլ. փոստով:

Ցանկալի է լրացված հայտը չգերազանցի 3 (երեք) էջը: